امریلی فاؤنڈیشن اور دی سٹیزن فاؤنڈیشن کے دیرینہ تعلقات ہیں۔اکبر علی فیملی کی جانب سے2010میں ٹی ایف سی کے اچار سالار کیمپس کی تعمیر کیلئے خاطر خواہ فنڈز دئیے گئے جس کی بنیاد امریلی اسٹیلز کے ریبارز پر استوار ہے، اس اسکول کی جانب سے مفت پرائمری تعلیم فراہم کی جاتی ہے۔ اس کیمپس کے قیام سے اب تک اس کے آپریشنل اخراجات امریلی اسٹیلز کی جانب سے ہی برداشت کئے جا رہے ہیں، اسی تعاون کی وجہ سے اس کیمپس کا نام ـ" اکبر علی کیمپس" رکھ دیا گیا ہے۔ آج تک اکبر علی کیمپس سالانہ اوسطاً دو سو طلباء کو تعلیم فراہم کر رہا ہے جن میں سے 40%تعداد طالبات کی ہے اور اب تک تقریباً دو ہزار طلباء و طالبات اس کیمپس سے مستفید ہو چکے ہیں۔